Madridning "Real" klubi o‘yinchilari Lukas Vaskes va Jud Bellingem Kataloniyaning "Barselona" jamoasi bilan bo‘lgan Ispaniya kubogi finalidan so‘ng qizil kartochka olishdi.
Cadena Ser jurnalistlari ma’lumotiga ko‘ra, uchrashuv bosh hakamiga nisbatan o‘zlarini yomon tutganliklari uchun futbolchilar kamida 2 ta o‘yinga diskvalifikasiya qilinishi mumkin.
Eslatib o‘tamiz, "Barselona" va "Real" o‘rtasidagi Qirol kubogi final uchrashuvi Sevilyadagi stadionda bo‘lib o‘tgandi. O‘yinning asosiy vaqti 2:2 hisobida durang bilan yakunlandi. Qo‘shimcha vaqtda "ko‘k-anorranglilar" raqibini ortda qoldirib, 3:2 hisobida g‘alaba qozonishdi. Hal qiluvchi golni fransiyalik himoyachi Jyul Kunde urdi.
