Италиянинг "Милан" клуби спорт директори қидирмоқда, бир вақтнинг ўзида бир нечта номзодлар рўйхати кўриб чиқилмоқда. Мавсум тугашидан олдин ва аниқ "Милан" бу мавсумдаги ягона совринини қўлга киритиши мумкин бўлган Италия кубоги финалигача қарор қабул қилиниши даргумон.

Бўш иш ўрнига асосий даъвогар сифатида Римнинг "Лацио" клубидаги кўп йиллик фаолияти давомида бу иш билан яхши таниш бўлган, аммо ҳозирча расман ҳеч нарса маълум қилинмаган Игли Таре кўрилмоқда. Бошқа номлар Тони Д'Амико, Жованни Манн ва Жованни Сартори, аммо муаммо шундаки, уларнинг барчаси ҳозирда бошқа клублар билан шартномага эга.