Якшанба куни "Ливерпуль" яна бир бор "Тоттенхэм" ҳимоясини парчалади - 5:1. Учрашув Премьер-лиганинг 34-тури доирасида бўлиб ўтди ва "қизиллар" учун чемпионлик ўйинига айланди.

Opta хабарига кўра, "Ливерпуль" бир мавсумда бир рақиб дарвозасига энг кўп гол уриш бўйича шахсий рекордини такрорлади. Мерсисайдликлар жорий мавсум "шпорлар" билан 4 марта тўқнаш келди (шу жумладан, Лига Кубогида 2 та ўйин) ва жами 15 та гол урди. Илгари фақат "Ротерхем" "Ливерпуль"дан шунча гол ўтказиб юборган, ва бу ўтган асрда - 1895/96 йилги мавсумда содир бўлган.

Арне Слот жамоасининг "Тоттенхэм" билан аввалги ўйинлари 4:0 ва 6:3 ҳисобида ғалаба билан якунланган, яна бир ўйинда 0:1 ҳисобида мағлубият бўлган.