Миланнинг "Интер" клуби чап қанот ҳимоячиси Карлос Аугусто "Барселона" ва Ламин Ямал билан тез орада учрашиши ҳақидаги саволга жавоб берди.
"Кўк-анорранглилар"нинг ўнг қанот ҳужумчиси бўлган 17 ёшли футболчи мунтазам равишда рақиб жамоа мураббийлари ва футболчиларидан мақтовлар эшитиб келмоқда. Чоршанба куни "Барса" Чемпионлар Лигаси ярим финалида "Интер"га қарши ўйнайди ва вундеркиндга қарши Аугусто майдонга тушиши керак бўлади.
"Ямални қандай тўхтатиш мумкин? "Барселона"да ажойиб ўйинчилар бор, аммо биз аллақачон "Бавария" билан учрашганмиз, уларнинг таркибида ҳам шундай юлдузлар бор. Биз тайёр бўлишимиз керак. Бизни қийин ўйин кутмоқда, аммо бундай рақиблар билан аввал ҳам тўқнаш келганмиз," - деди Аугусто "Интер" клуби каналига берган интервьюсида.
