Ярим ҳимоячи Ватару Эндо "Ливерпуль" сафида Англия Премьер-лигаси ғолибига айланди.

Арне Слот жамоаси якшанба куни "Тоттенхэм"ни мағлуб этиб (5:1), мавсум тугашига 4 тур қолганида чемпионликни қўлга киритди. Эндо - АПЛда ғолиб чиққан тўртинчи япониялик, дея хабар беради Squawka. Бунгача Такуми Минамино ("Ливерпуль," 2019/20), Синдзи Окадзаки ("Лестер," 2015/16) ва Синдзи Кагава ("Манчестер Юнайтед," 2012/13) бунга эришганди.

Бироқ, Ватар Эндонинг бевосита ҳиссасини ҳал қилувчи деб бўлмайди: у чемпионатнинг жорий мавсумида 17 та ўйинда майдонга тушиб, жами 160 дақиқадан камроқ вақт ўтказди.