Италия чемпионатида 34-тур ўйинлари давом этмоқда ва Миланнинг "Интер" клуби бу турда мағлубиятга учраган бўлса, унинг асосий рақобатчиси "Наполи" "Торино" дарвозасига жавобсиз иккита тўп киритиб, якка пешқадамга айланди. Неапол клуби ярим ҳимоячиси Леонардо Спинаццола иккала гол муаллифи Скотт Мактоминайни мақтади.
"Скотт - ўзига хос футболчи. У бизга камтарин ва ўрганишга тайёр бўлиб келди. У ҳар доим табассум қилади, у ўзига хос шахс. Биз Скудеттога муносибмиз, чемпионатнинг биринчи туридан бошлаб алоҳида иштиёқ билан ишлаяпмиз. Қанча куч ва тер тўкилганини фақат ўзимиз биламиз," - дея Спинаццоланинг сўзларини келтиради calcionapoli1926.it.
