Денни Мерфи Арне Слот қўл остида "Ливерпул"нинг ўйини қандай ўзгаргани ҳақида гапирди.

Мерсисайдликлар АПЛ якунланишига 4 тур қолганда 34-тур доирасидаги уй учрашувида "Тоттенхэм"ни мағлуб этиб (5:1) Англия чемпионига айланишди.

"Слотнинг биринчи мавсуми феноменал бўлди, ҳайратга тушадиган нарса жуда кўп. Менимча, биринчи навбатда ўзи ва хатти-ҳаракати билан. ОАВ билан мулоқотда у ўз фикрларини аниқ ифодалайди, хотиржам ва тезда мухлислар меҳрини қозонди.

Клопп қўл остидаги маълум мавсумларда ўйин жуда тартибсиз, тўхтовсиз эди. Мени нотўғри тушунманг, бу ажойиб бўлди.

Балки баъзида "Ливерпул"нинг ўйинини оддий кўз билан кузатар экансиз, улар бироз кўпроқ пауза қилишларини, шунчаки тўпни ҳаракатлантиришда давом этишларини кўрасиз ва менимча, улар сабрлироқ бўлиши мумкин. Аммо улар ўзларининг динамиклигини йўқотгани йўқ”, — деди “Ливерпул”нинг собиқ ярим ҳимоячиси.