“Лацио” футболчиси Педро Родригес А Серия доирасида “Парма”га қарши ўйинда (2:2) дубль қайд этди.
Римликлар 0:2 ҳисобида мағлуб бўлаётган баҳснинг 57-дақиқасида испаниялик футболчи захирадан майдонга тушди ва 79 ва 84-дақиқаларда гол уриб жамоасини мағлубиятдан қутқариб қолди.
Opta маълумотларига кўра, Педро захирадан майдонга тушганидан сўнг А Сериянинг битта мавсумида урилган голлар бўйича "Лацио" рекордини ўрнатди.
37 ёшли ҳужумкор ярим ҳимоячи шу тарзда захирадан майдонга тушиб, саккизта гол урди ва аввалги рекордчи Томмасо Роккини (2008/09 йилги мавсумда олтита гол) ортда қолдирди.
