Бугун операция қилинган "Реал Мадрид" ҳимоячиси Антонио Рюдигер сўнгги 7 ой давомида қаттиқ оғриқ билан ўйнашга мажбур бўлганини айтди.
32 ёшли германиялик футболчи сешанба куни чап тиззасидаги ташқи менискнинг қисман ёрилиши туфайли операция қилинди.
"Етти ойдан ортиқ қаттиқ оғриқдан сўнг, афсуски, менискусни операция қилишимга тўғри келди. Энди мен ниҳоят оғриқдан халос бўлдим, операция муваффақиятли ўтди. Тиббиёт жамоасига раҳмат. Мен имкон қадар тезроқ майдонга қайтмоқчиман, олдинда иккита катта турнир Миллатлар Лигаси ва Клублар ўртасидаги жаҳон чемпионати бор", — деб ёзди Рюдигер ижтимоий тармоқда.
