Мадриднинг "Реал" клуби ҳимоячиси Антонио Рюдигер тиззасидан қилинган операциядан сўнг баёнот берди.
"Етти ойдан ортиқ вақт давомида кучли оғриқ билан ўйнаганимдан сўнг, афсуски, тиззамдан жарроҳлик амалиётини ўтказишимга тўғри келди. Энди, ниҳоят, яна оғриқдан халос бўлдим - операция муваффақиятли ўтди," - деб ёзади Рюдигер.
Шунингдек, Рюдигер унинг имкон қадар тезроқ майдонга қайтишига умид билдирди. "Реал" ҳимоячиси олдинда Миллатлар лигаси ва клублар ўртасидаги жаҳон чемпионати ўйинлари борлигини таъкидлади. Немис тезроқ тикланиш учун қўлидан келган барча ишни қилишга тайёр.
