Франциялик футболчи Поль Погба Америка клуби билан музокараларга қарамай, фаолиятини Европада давом эттирмоқчи. Бу ҳақда ESPN хабар бермоқда.
Допинг қўллагани учун дисквалификация муддати тугаганидан кейин эркин агент мақомида бўлган Погба "Ди Си Юнайтед" футболчисига айланиши мумкин. У ва клуб раҳбарияти ўртасида дастлабки алоқалар аллақачон ўрнатилган, аммо 32 ёшли ярим ҳимоячи ҳали ҳам Европа жамоаларининг таклифларига очиқ.
Бир ой олдин "Марсель" ва "Фиорентина" Погбани сотиб олиш вариантини кўриб чиқаётган эди. Шунингдек, Бразилия ва Саудия Арабистони клублари билан вариантлар ҳам маълум бўлиб, француз томонидан рад этилган.
Погба сўнгги бор 2023 йилнинг сентябрида расмий ўйинда иштирок этганди.
