"Реймс"нинг 19 ёшли иқтидорли ярим ҳимоячисини "Манчестер Юнайтед" ва "Ливерпуль" клублари диққат билан кузатмоқда.
Football Insider нашри мухбири Пит О’Руркнинг маълум қилишича, иккала инглиз клуби ҳам ёзги трансферлар вақтида Амаду Конени ўз сафига қўшиб олишга қизиқиш билдирмоқда. Унинг ўйин услуби Карлос Балебанинг "Брайтон"даги ўйинлари билан таққосланади, аммо ивуарлик футболчининг нархи камерунлик футболчидан анча арзон. "Реймс" Конени 20 миллион фунтга баҳоламоқда.
Бу мавсумда Амаду Коне "Реймс" сафида барча мусобақаларда 24 та ўйинда майдонга тушди, аммо голли ҳаракатлари билан ажралиб турмади.













