"Reyms"ning 19 yoshli iqtidorli yarim himoyachisini "Manchester Yunayted" va "Liverpul" klublari diqqat bilan kuzatmoqda.

Football Insider nashri muxbiri Pit O’Rurkning ma’lum qilishicha, ikkala ingliz klubi ham yozgi transferlar vaqtida Amadu Koneni o‘z safiga qo‘shib olishga qiziqish bildirmoqda. Uning o‘yin uslubi Karlos Balebaning "Brayton"dagi o‘yinlari bilan taqqoslanadi, ammo ivuarlik futbolchining narxi kamerunlik futbolchidan ancha arzon. "Reyms" Koneni 20 million funtga baholamoqda.

Bu mavsumda Amadu Kone "Reyms" safida barcha musobaqalarda 24 ta o‘yinda maydonga tushdi, ammo golli harakatlari bilan ajralib turmadi.