Маркос Льоренте Испаниядаги электр таъминотидаги узилишлар ҳақида гапирди.
28 апрель, душанба куни Испания, Португалия, Андорра ва Франциянинг айрим ҳудудлари электр энергиясиз қолди.
Бу ушбу мамлакатлардаги транспорт инфратузилмасини бузди ва кўплаб муассасалар белгиланган вақтдан олдин ёпилишга мажбур бўлди.
"Атлетико Мадрид" ярим ҳимоячиси Льоренте ўша куни электр таъминотидаги узилиш вақтида метро поездларида қолиб кетганлар орасида бор эди.
Кейинроқ испаниялик туннелдаги метро йўллари бўйлаб юрган видеосини эълон қилди. У видеога қуйидаги иборани қўшган: "Ҳаёт давом этмоқда ва "фитна назариялари" ҳақиқатга айланади. Ақлдан оздирадиган дунёда ақли расо бўлганларни ақлдан озганга чиқаришади", – деди футболчи.
