"Интер" ярим ҳимоячиси Генрих Мхитарян Чемпионлар лигаси биринчи ярим финалидан ўрин олган "Барселона"га (3:3) қарши ўйиндан сўнг ўз фикрларини билдириб ўтди.
"Бу телбаларча ўйин бўлди. Бу ажойиб томоша эди, лекин ўйнаш жуда қийин эди. Биринчи бўлимда узоқ вақт олдинда эдик. Биз ғалаба қозондик деб ўйламагандик, чунки "Барселона" бизга катта босим ўтказаётганди. Улар тўпни жуда яхши бошқаришди.
"Барселона"га қарши ўйнаш осон эмас. Бу жуда яхши жамоа - ёш ва иқтидорли. Улар футбол ўйнашни билишади," - деди Мхитарян TNT Sports нашрига.
