"Барселона" вингери Ламин ЯмалCBS Sport телеканали эфирида Тьерри Анри билан суҳбатлашди.
Испаниялик ва француз бир-бирига футболка алмашишга ваъда беришди.
- Мен келаман ва "Эл Класико"ни томоша қиламан, футболкангизни олсам бўладими? - сўради Анри. "Мен сизга ўзимникини бераман, сиз эса менга ўзингизникини", деб жавоб берди Ямал.
- Менинг "Барселона"даги либосимними?
- "Барселона" ёки "Арсенал"даги, фарқи йўқ" - деди Ямал.
Тьерри Анри 2007 йилдан 2010 йилгача "Барселона" сафида ўйнаган.
Эслатиб ўтамиз, чоршанба оқшомида "Барселона" Чемпионлар лигасининг биринчи ярим финалида "Интер" билан 3:3 ҳисобида дуранг ўйнади. "Барселона" ва "Реал" ўртасидаги Ла Лига доирасида "Эл Класико" 11 май куни бўлиб ўтади.
