Ҳужумчи Родриго ёзги трансфер ойнасида "Реал"ни тарк этиши мумкин. Бу ҳақда Relevo хабар бермоқда.
Манбага кўра, "қироллик клуби" раҳбарияти бразилиялик футболчи билан хайрлашишга тайёр ва унга минимал нарх белгилаган. "Қаймоқранглилар" футболчини сотишдан камида 100 миллион евро ишлаб олишни мўлжалламоқда. Родригони Лондоннинг "Арсенал" ва "Манчестер Сити" клублари ўз сафига қўшиб олмоқчи.
Жорий мавсумда бразилиялик футболчи Мадрид гранди сафида 50 та ўйин ўтказиб, 13 та гол ва 10 та голли узатмани ўз ҳисобига ёздириб қўйди. Родриго "Реал" билан 2028 йилнинг ярмигача шартнома мажбуриятлари бўйича боғланган.
