"Палмейрас" вингери Луижи Лондоннинг "Арсенал" клуби қизиқишлари доирасига тушиб қолди.
"Канонирлар" бразилиялик футболчини келаси ёздаёқ ўз сафига қўшиб олишга уриниб кўришга тайёр, бироқ футболчига Европадан бошқа даъвогарлар ҳам бор - Миланнинг "Интер" ва Дортмунднинг "Боруссия" клублари, деб хабар беради Transfer News Live The Sun Football нашрига таяниб. Transfermarkt портали мутахассислари истиқболли футболчининг нархини 3 млн еврога баҳоламоқда.
Луижи "Палмейрас"нинг асосий жамоаси сафида атиги 12 та ўйинда майдонга тушиб, иккита гол урди ва битта голли узатмани амалга оширди. Вингернинг Сан-Паулу клуби билан амалдаги шартномаси 2029 йил охиригача мўлжалланган.
