"Барселона" дарвозабони Иньяки Пенья мавсумлар оралиғида клубда қолиши даргумон.
Жорий кампания давомида испаниялик ўз ўрнини Войцех Шеснига бўшатиб берди. Яқинда Марк-Андре тер Штеген сафга қайтди, шунинг учун 26 ёшли дарвозабон Ҳанс-Дитер Флик жамоасида ўйин амалиётига умид қила олмайди. Катта эҳтимол билан, яқинлашиб келаётган трансфер ойнасида Пенья "кўк-анорранглилар" сафини тарк этади, дея хабар бермоқда журналист Маттео Моретто, футболчи хориж клубига ўтишга моил, аммо миш-мишларга кўра, унга Ла Лигада ҳам талаб бор.
Иньяки Пенья жорий мавсум "Барселона" сафида 22 та ўйинда майдонга тушди ва 25 та гол ўтказиб юборди. Transfermarkt порталида кипернинг тахминий нархи - 10 млн евро.
