Чемпионлар Лигасидаги ва умуман мавсумдаги ишончсиз ўйин "Реал"ни ёзги трансферлар учун жиддий режалар тузишга мажбур қилмоқда. Relevo хабарига кўра, Мадрид суперклуби сўнгги ўн йилликдаги энг фаол трансфер кампаниясини тайёрламоқда.
"Реал" "Ливерпуль"дан трансфери деярли келишилган Трент Александр-Арнольдни ўз сафига қўшиб олиши кутилмоқда. Бундан ташқари, мадридликлар чап қанот ҳимоячиси, марказий ҳимоячи, ярим ҳимоячи ва ҳужумчини ўз сафига қўшиб олишни мақсад қилган.
"Реал" ҳужум чизиғига Хоселуга ўхшаган, яъни ҳужумкор футболчини қўшиб олмоқчи. Ҳимоя марказига келсак, "қаймоқранглилар"га кўпроқ "Арсенал" футболчиси Вильям Салиба варианти ёқади.
