Chempionlar Ligasidagi va umuman mavsumdagi ishonchsiz o‘yin "Real"ni yozgi transferlar uchun jiddiy rejalar tuzishga majbur qilmoqda. Relevo xabariga ko‘ra, Madrid superklubi so‘nggi o‘n yillikdagi eng faol transfer kampaniyasini tayyorlamoqda.
"Real" "Liverpul"dan transferi deyarli kelishilgan Trent Aleksandr-Arnoldni o‘z safiga qo‘shib olishi kutilmoqda. Bundan tashqari, madridliklar chap qanot himoyachisi, markaziy himoyachi, yarim himoyachi va hujumchini o‘z safiga qo‘shib olishni maqsad qilgan.
"Real" hujum chizig‘iga Xoseluga o‘xshagan, ya’ni hujumkor futbolchini qo‘shib olmoqchi. Himoya markaziga kelsak, "qaymoqranglilar"ga ko‘proq "Arsenal" futbolchisi Vilyam Saliba varianti yoqadi.
