"Ливерпуль" клуби қанот ҳимоячиси Трент Александр-Арнольд фаолиятини "Реал"да давом эттиради. Бу ҳақда нуфузли инсайдер Фабрицио Романо хабар бермоқда.
Манбага кўра, Трент чемпионликни қўлга киритганидан кейин "Ливерпуль" билан хайрлашмоқда. Таъкидланишича, футболчи ва "Реал" ўртасида оғзаки келишувга эришилган ва ҳозирда ҳужжатларни тайёрлаш ишлари олиб борилмоқда. Журналистнинг таъкидлашича, 26 ёшли ҳимоячининг "қаймоқранглилар" билан меҳнат шартномаси беш йилга мўлжалланган.
Александр-Арнольд "Ливерпуль" тарбияланувчиси ҳисобланади. У бутун фаолиятини айнан инглиз грандида ўтказган. Унинг ҳисобида 351 та ўйин, 23 та гол ва 92 та голли узатма бор.
