"Liverpul" klubi qanot himoyachisi Trent Aleksandr-Arnold faoliyatini "Real"da davom ettiradi. Bu haqda nufuzli insayder Fabrisio Romano xabar bermoqda.

Manbaga ko‘ra, Trent chempionlikni qo‘lga kiritganidan keyin "Liverpul" bilan xayrlashmoqda. Ta’kidlanishicha, futbolchi va "Real" o‘rtasida og‘zaki kelishuvga erishilgan va hozirda hujjatlarni tayyorlash ishlari olib borilmoqda. Jurnalistning ta’kidlashicha, 26 yoshli himoyachining "qaymoqranglilar" bilan mehnat shartnomasi besh yilga mo‘ljallangan.

Aleksandr-Arnold "Liverpul" tarbiyalanuvchisi hisoblanadi. U butun faoliyatini aynan ingliz grandida o‘tkazgan. Uning hisobida 351 ta o‘yin, 23 ta gol va 92 ta golli uzatma bor.