Мадриднинг "Реал" клуби бўлажак бош мураббийи Хаби Алонсо янги жамоасини кучайтириш ҳақида ўйламоқда.
"Байер"нинг ҳозирги бош мураббийи келаси мавсум бошидан "қаймоқранглилар"ни бошқариши кутилмоқда - у Карло Анчелотти ўрнини эгаллайди. Журналист Хоакин Маротонинг ёзишича, Алонсо "Реал" раҳбариятига тўғридан-тўғри мурожаат қилиб, Мартин Субимендини ўз сафига қўшиб олишни сўраган. Ўз навбатида Хавбек ҳам "қироллик клуби"га яқинлашиб келаётган трансферлар даврида "Реал Сосьедад"ни тарк этишини маълум қилган.
Субименди учун асосий даъвогар сифатида узоқ вақт Лондоннинг "Арсенал" клуби кўрсатиб келинган. 26 ёшли футболчининг шартномасида 60 млн евро товон пули кўрсатилган.













