"Манчестер Сити" ярим ҳимоячиси Кевин де Брюйне яқин орада келажаги борасида бир қарорга келмоқчи.
Бельгиялик футболчи келаси ёзда "шаҳарликлар" сафини эркин агент сифатида тарк этади. Журналист Том Богертнинг маълум қилишича, футболчи жорий ойнинг охирига қадар янги клуби борасида бир қарорга келмоқчи. Бу клублар ўртасидаги жаҳон чемпионати билан боғлиқ вазиятга ойдинлик киритишга ёрдам беради: хавбек "Манчестер Сити" учун турнир ўйинларида иштирок этиши мумкин, агар бўлажак клуби бунга розилик берса.
Аввалроқ Кевин де Брюйне жароҳат олиб, янги клубига ўтишдан қўрқиб, клублар ўртасидаги жаҳон чемпионатида ўйнашни истамагани ҳақида миш-мишлар тарқалган эди.
