Сўнгги уч йил ичида иккинчи марта Чемпионлар Лигаси финалига йўл олган “Интер” жамоаси “Барселона”га қарши жуда кескин кечган ўйин орқали муваффақиятга эришди. Ушбу титанлар тўқнашувининг қаҳрамонларидан бири — нидерландлик ҳимоячи Дензел Дюмфрис ўйиндан сўнг ўз фикрлари билан ўртоқлашди.
“Ақл бовар қилмас ўйин бўлди. Икки ўйинда 13 та гол — бу ҳақиқатан ҳам такрорланмайди. Жамоам билан фахрланаман. Барча ижобий фикрлар учун ташаккур. Ўйлайманки, мен ҳам яхши ўйин кўрсатдим.
Биз жуда кўп сабр қилишимизга тўғри келди, шахсан ўзим ҳам. Аммо бу ғалаба учун ҳаммамиз жон куйдирдик ва охирида бу ўз мевасини берди”, — деб Дюмфриснинг сўзларини келтиради fcinter1908.it.
