So‘nggi uch yil ichida ikkinchi marta Chempionlar Ligasi finaliga yo‘l olgan “Inter” jamoasi “Barselona”ga qarshi juda keskin kechgan o‘yin orqali muvaffaqiyatga erishdi. Ushbu titanlar to‘qnashuvining qahramonlaridan biri — niderlandlik himoyachi Denzel Dyumfris o‘yindan so‘ng o‘z fikrlari bilan o‘rtoqlashdi.

“Aql bovar qilmas o‘yin bo‘ldi. Ikki o‘yinda 13 ta gol — bu haqiqatan ham takrorlanmaydi. Jamoam bilan faxrlanaman. Barcha ijobiy fikrlar uchun tashakkur. O‘ylaymanki, men ham yaxshi o‘yin ko‘rsatdim.

Biz juda ko‘p sabr qilishimizga to‘g‘ri keldi, shaxsan o‘zim ham. Ammo bu g‘alaba uchun hammamiz jon kuydirdik va oxirida bu o‘z mevasini berdi”, — deb Dyumfrisning so‘zlarini keltiradi fcinter1908.it.