"Интер" сўнгги уч йил ичида иккинчи марта Чемпионлар лигаси финалига чиқди. "Интер"нинг собиқ ҳужумчиси Горан Пандев учрашув ҳақида фикр билдирди ва миланликлар футболчиларини табриклади.
"Бу жамоанинг ғалабаси, улар ўзларига ишонишди ва биргаликда курашишди. Лаутаро тишларини ғижирлатиб майдонга тушди ва бор қадрини кўрсатди. Унга Чемпионлар лигасида ғалаба қозонишини тилайман. У бу мавсумда ақл бовар қилмайдиган ютуқни амалга оширди. Кубок Миланга қайтиши керак", - дея Пандевнинг сўзларини келтиради fcinter1908.it нашри.
Икки йил аввал “Интер” финалда Англиянинг “Манчестер Сити” жамоасига имкониятни бой берганди.
