"Ливерпуль"га тегишли бўлган грециялик ҳимоячи Костас Цимикас жорий мавсум якунида жамоани тарк этиши мумкин. Бу ҳақда Football Insider нашри хабар берди.
Манбага кўра, инглиз гранди раҳбарияти 28 ёшли ижрочини ёзги трансферлар даврида сотиб юборишга қарор қилган. Потенциал битим суммаси тахминан 20 миллион еврони ташкил қилиши мумкин.
Жорий мавсумда Цимикас 28 та баҳсда қатнашиб, 2 та голли узатмани амалга оширди. "Ливерпуль" билан биргаликда грециялик ҳимоячи 2024/2025 йилги мавсумда муддатидан олдин Англия чемпионига айланди.













