Жорий мавсум "Испвич" сафида тўп тепаётган марказий ҳужумчи Лиам Делап Англиянинг бошқа клубига ўтиши мумкин. Бу ҳақда Transfer Football хабар бермоқда.
Манбага кўра, 22 ёшли форвардга Лондоннинг "Арсенал" клуби қизиқиш билдирмоқда. "Канонирлар" ҳужумчининг агенти билан боғланиб, ҳамкорлик таклифини билдирди. Делапга "Арсенал"дан ташқари Лондоннинг "Челси" клуби ҳам қизиқиш билдирмоқда.
Англия Премьер-лигасининг жорий мавсумида форвард 34 та учрашувда майдонга тушиб, 12 та гол ва 2 та голли узатмани ўз ҳисобига ёздириб қўйди. Transfermarkt портали экспертлари футболчининг бозор нархини 35 миллион еврога баҳоламоқда.













