"Манчестер Сити" ёзги трансферлар даврида жамоа таркибини кучайтириш бўйича режалар тузмоқда. Defensa Central хабарига кўра, "шаҳарликлар" "Реал" ҳужумчиси Родригога қизиқиш билдирмоқда.
Манбага кўра, "Манчестер Сити" Родриго бўйича таклиф тайёрламоқда. Англия Премьер-лигаси клуби маълум бир суммани таклиф қилади, кейинроқ эса "Реал" билан келишувга эришиш учун уни ошириши мумкин.
Қайд этилишича, агар футболчининг ўзи сўраса, "Реал" Родригони сотишга тайёр бўлади. Аввалроқ, бразилиялик футболчи муҳимроқ роль ўйнайдиган жамоага ўтмоқчи экани ҳақида хабарлар тарқалган эди.
24 ёшли Родриго нуфузли Transfermarkt портали экспертлари томонидан 100 миллион еврога баҳоланмоқда.
