"Manchester Siti" yozgi transferlar davrida jamoa tarkibini kuchaytirish bo‘yicha rejalar tuzmoqda. Defensa Central xabariga ko‘ra, "shaharliklar" "Real" hujumchisi Rodrigoga qiziqish bildirmoqda.
Manbaga ko‘ra, "Manchester Siti" Rodrigo bo‘yicha taklif tayyorlamoqda. Angliya Premyer-ligasi klubi ma’lum bir summani taklif qiladi, keyinroq esa "Real" bilan kelishuvga erishish uchun uni oshirishi mumkin.
Qayd etilishicha, agar futbolchining o‘zi so‘rasa, "Real" Rodrigoni sotishga tayyor bo‘ladi. Avvalroq, braziliyalik futbolchi muhimroq rol o‘ynaydigan jamoaga o‘tmoqchi ekani haqida xabarlar tarqalgan edi.
24 yoshli Rodrigo nufuzli Transfermarkt portali ekspertlari tomonidan 100 million yevroga baholanmoqda.
