Франциянинг “ПСЖ” клуби дарвозабони Джанлуиджи Доннарумма яхши ўйин кўрсатишда давом этмоқда. Бироқ унинг келажаги ҳали ҳам ноаниқ: амалдаги шартномаси 2026 йил ёзигача амал қилади.
Goal порталининг Альфредо Педулла ва Football Italiaга таянган ҳолда хабар беришича, италиялик посбонга “Интер” ва “Ювентус” клублари жиддий қизиқиш билдирмоқда. Бироқ ҳар икки жамоа “Манчестер Сити”нинг молиявий жиҳатдан улардан устун чиқишидан хавотирда. Англия клуби ёзда Эдерсоннинг кетиши эҳтимолига тайёргарлик сифатида янги дарвозабон сотиб олиши мумкин.
Шунингдек, Доннаруммага Германиянинг “Бавария” клуби ҳам қизиқиш билдирмоқда.
26 ёшли Доннарумма бу мавсумда “ПСЖ” таркибида асосий дарвозабон сифатида мустаҳкам ўрин эгаллаган ва Европанинг бир қатор грандлари уни ўз сафига қўшиб олишни хоҳламоқда.
