Ҳужумчи Алехандро Гарначонинг "Манчестер Юнайтед"даги келажаги сўроқ остида қолмоқда.

Give me Sport нашри хабарига кўра, клуб раҳбарияти 20 ёшли аргентиналикни фойдали таклиф бўлса, сотиб юбориш имкониятини кўриб чиқмоқда. Манбанинг таъкидлашича, ҳужумчи бўйича якуний қарор май ойининг охиригача қабул қилинади. Гарначо учун асосий даъвогар "Наполи" бўлиб турибди ва тез орада "Юнайтед" бу трансферни муҳокама қилиш учун Италия клубига таклиф юборишни режалаштирмоқда.

Ҳужумчининг "қизил иблислар" билан шартномаси 2028 йилнинг ёзига қадар мўлжалланган бўлиб, унинг ҳозирги нархи Transfermarkt маълумотларига кўра, 45 миллион еврони ташкил этади.