Лондоннинг “Тоттенхэм” клуби мухлислари асосий рақиби “Арсенал”нинг Чемпионлар лигасидан чиқиб кетганини ўзига хос тарзда нишонлашди.
АПЛнинг 36-туридан ўрин олган "Кристал Пэлас"га қарши ўйин олдидан "шпорлар" мухлислари ўз стадиони трибуналарига "Merci, PSG" ("Раҳмат, "ПСЖ") ёзуви туширилган баннерни осиб, Париж клубига "канонирлар" устидан ярим финалда қўлга киритган ғалаба учун миннатдорчилик билдиришди.
Эслатиб ўтамиз, Франция гранди икки ўйин (1:0, 2:1) йиғиндисига кўра кучлироқ бўлиб, "Арсенал"ни мағлуб этди.













