"Байер" ҳимоячиси Жереми Фримпонг Туманли Албионга ўтиши мумкин. Mirror Football хабарига кўра, "Ливерпуль" нидерландиялик футболчини ўз сафига қўшиб олмоқчи.
Журналистларга маълум бўлишича, мерсисайдлик раҳбарияти Фримпонгни сотиб олиш учун 40 миллион евро ажратишга тайёр. Жереми 2028 йилнинг июн ойи охиригача "доричилар" билан шартнома мажбуриятларига эга.
Германия чемпионатининг жорий мавсумида нидерландиялик футболчи 33 та ўйин ўтказди. Фримпонг бешта гол урди ва бешта голли узатмани амалга оширди.













