"Бавария" раҳбарияти жамоа марказий ҳимоячиси Дайо Упамекано билан музокараларни давом эттирмоқда. Бу ҳақда журналист Флориан Плеттенберг хабар бермоқда.
Манбага кўра, томонлар ўртасида ҳозирча маош ва имзолаш бонуси бўйича келишув йўқ, аммо "Бавария" французни сақлаб қолишни жуда хоҳламоқда ва унга 2030 йилгача мўлжалланган шартнома таклиф қилмоқда.
Таъкидланишича, ҳозирда Упамекано томони келишув хавф остида эмас деб ҳисоблайди, шунинг учун музокаралар ўз йўлида давом этмоқда.
Жорий мавсумда 26 ёшли ҳимоячи барча мусобақаларда 33 та ўйинда майдонга тушиб, 2 та гол урди ва 1 та голли узатмага муаллифлик қилди.
