Бугун Спорт вазирлигида "Янги Ўзбекистон Олимпия чўққилари" мусобақаларини ташкил этиш ва ўтказишга пухта тайёргарлик кўриш бўйича Республика штабининг видеоселектор йиғилиши бўлиб ўтди.
Йиғилишда мусобақаларни жойларда ташкил этиш билан боғлиқ тайёргарлик ҳолати, электрон платформадан рўйхатдан ўтиш, танланган спорт базалари аҳволи ва мусобақаларга оид бошқа масалалар кўриб чиқилди.
Йиғилиш давомида мусобақаларни юқори савияда ташкил этиш, жойлардаги спорт ташкилотлари раҳбарларининг масъулиятини ошириш, бу борадаги вазифаларни маҳаллий ҳокимликлар билан ҳамкорликда олиб бориш, спорт клубларини жалб қилиш каби бир қатор муҳим вазифалар белгилаб берилди.
Йиғилиш якунида "Янги Ўзбекистон Олимпия чўққилари" мусобақаларини ташкил этиш ва ўтказиш юзасидан масъулларнинг ҳисоботи тингланди.
