"Манчестер Юнайтед" ярим ҳимоячиси Кристиан Эриксен ёзги трансферлар даврида катта эҳтимол билан клубни тарк этади.
Данияликнинг "қизил иблислар" билан амалдаги келишуви июнь ойи охирида тугайди ва унинг узайтирилиши даргумон. Журналист Пол Хёрстнинг хабар беришича, Эриксен Амстердамнинг "Аякс" клубига қайтиши мумкин. 33 ёшли хавбек бўлажак мураббийлик фаолиятига тайёргарликни бошлаши мумкин бўлган клубга ўтмоқчи.
Кристиан Эриксен 2022 йилнинг ёзидан бери "Манчестер Юнайтед" шарафини ҳимоя қилмоқда. У жорий мавсум манкунианликлар сафида барча мусобақаларда 34 та ўйинда майдонга тушди ва 4 та гол ҳамда 5 та голли узатмага муаллифлик қилди.
