Польшанинг Варшава шаҳрида ташкил қилинган World Boxing ташкилоти кубоги иккинчи босқичининг навбатдаги кунида ўзбекистонлик 6 нафар боксчи рингга чиқиб, уларнинг барчаси ғалаба қозонди.  

Ўзбекистон таркибидаги ягона аёл боксчи Хуморабону Мамажонова -57 кг вазн тоифасида баҳсларга киришди ва ўзининг илк жангида мўғилистонлик Мичидма Эрденедалаини 5:0 ҳисобида мағлуб этди. -70 кг вазнда рингга чиққан Ғофуржон Тоҳиров ҳам кейинги босқичга йўл олди. У  косовалик Шпетим Бажокуни 5:0 ҳисобида енгди.

Жавоҳир Умматалиев (-80) мезбон Накодем Козакка ҳеч қандай имконият қолдирмади — 5:0.  Акмалжон Исроилов эса (-85 кг) Уэлс вакили Даниел Питтдан 5:0 ҳисобида устун келди.  Самандар Олимов (-60 кг) мўғилистонлик Энҳтур Тегшжаргални доғда қолдирган бўлса (5:0), турнирдаги ўзининг иккинчи жанггини ўтказган Жаҳонгир Зокиров (+90 кг) яна ғалаба қозонди. Спортчи бу сафар туркиялик Мужаҳит Ильясни ҳакамларнинг якдил қарори билан мағлуб этди.

Ўзбекистонлик боксчиларнинг қайд этган натижалари:

-57 кг: Хуморабону Мамажонова — Мичидма Эрденедалаи (Мўғулистон) 5:0
-70 кг: Ғофуржон Тоҳиров — Шпетим Бажоку (Косово) 5:0
-80 кг: Жавоҳир Умматалиев — Никодем Козак (Польша) 5:0
-85 кг: Акмалжон Исроилов — Даниел Питт (Уэлс) 5:0
-60 кг: Самандар Олимов — Энкҳтур Тегшжаргал (Мўғулистон) 5:0
+90 кг: Жаҳонгир Зокиров — Мужаҳит Ильяс (Туркия) 5:0

Мусобақанинг 3-кунги дастурларида 5 нафар ўзбекистонлик боксчилар рингга чиқиши белгиланган.

Жуфтликлар билан танишинг:

-55 кг: Миразизбек Мирзаҳалилов — Корй Жонес (Уэлс) 14:45
-65 кг: Асадхўжа Мўйдинхўжаев — Оусаиноу Ҳансен (Германия) 16:15
-80 кг: Жавоҳир Умматалиев — Виллиам Чолов (Болгария) 17:00
-85 кг: Акмалжон Исроилов — Самет Эрсой (Туркия) 17:30
-75 кг: Фазлиддин Эркинбоев — Кауе дос Сантос (Бразилия) 22:00