"Манчестер Юнайтед"нинг собиқ футболчиси Райан Гиггзнинг фикрича, ҳужумчи Маркус Рэшфорд "қизил иблислар"ни тарк этиши керак. Айни пайтда футболчи “Астон Вилла”да ижара асосида ўйнамоқда.

"Менимча, қарор Аморимнинг ўзига боғлиқ. У ҳамма нарсани ҳисоблаб чиққан бўлса керак, эҳтимол ҳаммаси мураббийга боғлиқ эмас, чунки муносиб футболчини сотиб олиш учун сотишдан пул олиш имконияти ҳам бор.

Маркус бироз ёқимсиз хотира қолдириб кетди. У клуб тизими орқали келган, дастлабки кунларда Рэшфорд жамоада жуда яхши ҳаракат қилган. Аммо у бахтли кўринмади, Маркус асабий эди ва ўз футболидан завқланмади" - деди Гиггз.

Футболчи жорий мавсумда 41 та ўйинда 11 та гол урди ва 9 та голли узатмани амалга оширди.