«Интер Майами» расмий сайтида 36 ёшли чап қанот ҳимоячиси Жорди Альба билан шартнома 2027 йилги МЛС мавсуми охиригача узайтирилганини эълон қилди.
«Мен шартномани узайтирганимдан хурсандман, чунки менда рақобатни давом эттириш истаги бор. Шунингдек, бу клубда ўзимни уйдагидек ҳис қиламан — ҳар бир ўйинда мухлислардан олаётган меҳр бунинг сабабидир. Бизда ғалабаларни давом эттиришга бўлган иштиёқ бор ва умид қиламанки, иложи борича кўпроқ совринларни қўлга киритамиз», — деган Альбанинг сўзларини келтиради «Интер Майами» матбуот хизмати.
Альба 2023 йил ёзидан бери Америка клуби сафида тўп сурмоқда. Шу вақт мобайнида у барча турнирларда 68 та учрашувда майдонга тушиб, 8 та гол ва 20 та голли узатма билан ажралди.













