Англиянинг «Лестер» клуби ҳужумчиси Жейми Варди профессионал футболчилик фаолиятини давом эттириш ниятида эканини айтди. Аввалроқ 38 ёшли форвард мавсум якунлангач жамоани тарк этишини маълум қилган эди.

«Футбол — ҳайратланарли дунё. Нима бўлишини ҳеч қачон олдиндан айта олмайсан. Мен фаолиятимни тўхтатмайман — тўхташ кераклигини оёқларим айтмагунча. Ҳозирча оёқларим билан ҳаммаси жойида», — деди Варди Sky Sports нашрига берган интервьюсида.

Жорий мавсумда Варди «Лестер» таркибида барча турнирларда 35 та ўйинда қатнашиб, 9 та гол ва 4 та голли узатма муаллифи бўлди. Варди 2012 йилдан бери «Лестер» сафида тўп суриб келмоқда.

Айни пайтда, «Лестер Сити» жамоаси мавсум якунларига кўра Англия Премьер-лигасини тарк этади — жамоа 36 та ўйиндан сўнг 22 очко жамғарган