"Барселона" бош мураббийи Ханс-Дитер Флик жамоанинг финишга 2 тур қолганида расмийлаштирилган Ла Лига чемпионлигидан кейинги таассуротлари билан ўртоқлашди.
"Кўк-анорранглилар" дербида "Эспаньол"ни мағлуб этди (2:0) ва 2-ўриндаги "Реал" билан 7 очколик фарқни сақлаб қолди.
"Барселона"да сиз чемпионликни қўлга киритишингиз шарт. Учта соврин - ажойиб ютуқ. Чемпионлар Лигаси ярим финалида "Интер"га ютқазганимиз алам қилди, лекин ҳозир жуда хурсандман - ўйлайманки, мухлислар, футболчилар ва клубдаги барча менинг ҳиссиётларимга шерик. Мавсумнинг иккинчи қисмини ажойиб ўтказдик - Ла Лигада бирорта ҳам мағлубият бўлмади. Мухлислар, жамоа ва клубни табриклайман. Бу ақл бовар қилмайдиган ҳолат," - дея Фликнинг сўзларини келтиради Barca Universal.
