Польшалик дарвозабон Войцех Шесни "Барселона" билан мавсумни юқори нотада, Испания чемпиони унвони билан якунлади.

Шесни кутилмаганда профессионал футболга қайтганидан сўнг "Барса"нинг зафарли мавсумининг бир қисмига айланди. 2024 йилнинг кузида 35 ёшли дарвозабон каталонияликлар билан 2025 йилнинг июнигача шартнома имзолаб, майдонга қайтишга қарор қилди.

Қайтганидан бери польшалик 30 та ўйинда майдонга тушиб, 36 та гол ўтказиб юборган. Чемпионликдан ташқари, у "Барселона"га Испания кубоги ва Суперкубогини ютишига ёрдам берди ва бир мавсумда кубокларнинг шахсий хет-трикини қайд этди.