Ўзбекистон ёшлар терма жамоаси аъзоси Павел Смоляченкога Қозоғистоннинг "Атирау" клуби жиддий равишда қизиқмоқда. 22 ёшли футболчи ўз интервьюси давомида бу хабарни тасдиқлаб ўтган.

-Павел, "Атирау"га ўтишингиз аниқ бўлдими?
-Йўқ, ҳали аниқ эмас. Чунки ҳамон расмий таклиф бўлгани йўқку (кулади).

-Баъзи манбаларда сиз Киевда туғилганингиз келтирилган. Ўзбекистонга қандай келиб қолгансиз?
-Йўқ, миллат украин, лекин она шаҳрим - Фарғона! Футболчилик фаолиятимни ҳам ўша ерда бошлаганман.

-Қозоқ футболи жамоатчилиги сиз ҳақингизда жуда кам билади. Айтингчи, футбол билан қачондир шуғуллана бошладингиз? Биринчи мураббийингиз ким эди?
-12 ёшимда болалар ва ўсмирлар спорт мактабига қатнай бошлаганман. Биринчи устозим эса Нерд Айриев бўлган.

-Майдоннинг қайси қисмида ўйнашни ёқтирасиз?
-Клубимда ҳужум чизиғида тўп сураман, терма жамоада эса ҳужумкор ярим ҳимоячи сифатида.

-Профессионал фаолиятингиздаги илк ўйинингизни эслай оласизми?
-Ха, "Олмалиқ" майдонида меҳмон бўлгандик. 1:0 ҳисобида ғалаба қозонганмиз.

-Катта футболда яна қайси жамоаларда тўп сургансиз?
-"Нефтчи"дан кейин, 2013 йилдан бошлаб Тошкентнинг "Локомотив" клуби аъзосиман.

-Ўзбекистоннинг барча ёш тоифаларидаги терма жамоалари ўйнаб келяпсиз. Миллий терма жамоадачи?
-Ҳа, ўсмирлар, ёшлар, олимпия терма жамоаларида тўп сурдим. Бир марта миллий термамизга ҳам таклиф этишди.

-Ўзбекистон терма жамоаси ЖЧ-2014 финал босқичига чиқиш имкониятларини қандай баҳолайсиз?
-Ўйлайманки, Ўзбекистон Бразилиядаги Жаҳон чемпионатида иштирок этади.

-"Атирау"нинг черногориялик мураббийи Миодраг Радулович ўз вақтида Ўзбекистонда ишлаган. У билан шахсан танишмисиз?
-Йўқ, Радулович билан шахсан таниш эмасман.

-"Атирау" варианти қандай пайдо бўлди?
-Акам, "Жетису" аъзоси Руслан Медзиддинов менга бу ҳақда айтганди.

-Қозоғистон футболи ва чемпионати ҳақида нималар биласиз?
-Эшитишимча, Қозоғистонда куч жиҳатидан тенг бўлган кўплаб жамоалар бор ва чемпионат қизиқарли ўтади. Бу жуда қизиқ!