Пайшанба оқшомида "Барселона" "Эспаньол"ни 2:0 ҳисобида мағлуб этиб, чемпионликни расмийлаштирди. Шанба куни каталонияликлар машғулотларни давом эттиришди. Marca хабарига кўра, машғулотда ҳимоячи Рональд Араухо иштирок этмаган.
Манбанинг қайд этишича, Араухо "Эспаньол"га қарши дербини тиззасидаги муаммо билан якунлаган. Жароҳат жиддий эмаслиги тахмин қилинмоқда, аммо уругвайлик футболчининг "Барселона"нинг навбатдаги ўйинида иштирок этиши деярли истисно қилинган.
18 май, якшанба куни "Барселона" ўз уйида "Вильярреал"га қарши Испания чемпионати ўйинини ўтказади. Бу каталонияликларнинг жорий мавсумдаги сўнгги уй учрашуви бўлади.
