Альваро Фернандес Каррерас "Реал"га ўтишга тайёр.
Sky Sport журналисти Патрик Бергернинг хабар беришича, Мадрид клуби 22 ёшли футболчи билан принципиал келишувга эришган. Тез орада жамоани қабул қилиб оладиган Хаби Алонсо айнан уни чап қанот ҳимоячиси сифатида кўрмоқчи.
"Реал" скаутлари Хуни Калафат ва Хосе Анхель Санчес шартномани расмийлаштириш учун португалияликлар билан музокаралар олиб бормоқда. Улар нархни пасайтиришга эришмоқчи - футболчининг товон пули 50 млн еврони ташкил этади.
Ўтган мавсумда Каррерас Португалия чемпионатида 32 та ўйинда майдонга тушиб, 3 та гол ва 1 та голли узатмани амалга оширди.
