"Челси" ярим ҳимоячиси Энцо Фернандес "Реал"нинг трансфер мақсадларидан бирига айланди.
"Қаймоқлилар" аллақачон аргентиналикка қизиқиш билдирган, аммо ҳаммаси миш-мишлар даражасида қолмоқда. BBC Sport нашри мухбири Низаар Кинселланинг янгиланган маълумотига кўра, 24 ёшли хавбекка ростдан ҳам "Реал" даъвогарлик қилмоқда. "Челси" ўз юлдузи учун 127 миллион евродан кўпроқ пул сўрайди - футболчи 2023 йил бошида "Бенфика"дан шунча пулга сотиб олинган эди.
Энцо Фернандеснинг Transfermarkt портали баҳосига кўра, нархи 75 млн еврога тенг. Жорий мавсумда 44 та ўйинда футболчи еттита гол урди ва 13 та голли узатмани амалга оширди.
