Англия Премьер-лигаси 37-туридан ўрин олган "Борнмут"га урилган гол "Манчестер Сити" ҳужумчиси Омар Мармуш учун жорий йилнинг январь ойидан буён ушбу мусобақадаги еттинчи гол бўлди. Бу кўрсаткич бўйича мисрлик футболчи "шаҳарликлар"нинг юлдузли форварди Эрлинг Холандга етиб олди, у ҳам АПЛда январь ойидан бери еттита гол урган.
Мармуш 23 январь куни "Айнтрахт"дан "Манчестер Сити"га ўтган эди. Жорий мавсумда мисрлик футболчи барча мусобақаларда жами 47 та ўйинда майдонга тушиб, 28 та гол ва 17 та голли узатмани амалга оширди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 75 млн еврони ташкил этади.
